Një Park i Mrekullueshëm i Lodrave në Qendër të Qytetit në Veri të Mitrovicës!

Fëmijët e lagjes Bishevac në Veri të Mitrovicës tani do të kenë një park të ri të lojërave në komunitetin e tyre. Agjencia Amerikane për Zhvillim Ndërkombëtar (USAID) e ka ndërtuar këtë park të lojërave me kërkesë të banorëve vendorë, përmes Iniciativës për Komuna Demokratike dhe Efektive. Programi i USAID-it synon të përmirësojë jetën e banorëve në komunitetet jo-shumicë në Kosovë, duke e mbështetur zhvillimin e komunitetit dhe infrastrukturës. Pas konsultimeve me banorët vendorë, Ekipi Përgatitor Komunal (EPK) e informoi USAID-in që këndi i lojërave ishte prioritet për këtë komunitet.

Zëvendës-Ndihmës Sekretari Amerikan i Shtetit, Philip Reeker e bëri inuagurimin e parkut të ri të lojërave me Ambasadorin Amerikan në Kosovë, Christopher Dell. Gjatë inaugurimit, Zot. Reeker tha që Ekipi Përgatitor Komunal po e ndihmon procesin e Qeverisë për decentralizimin, i cili do t’i ndihmojë komuniteteve vendore të vendosin “si do ta organizoni jetën tuaj, si do t’i rrisni fëmijët tuaj dhe si mund ta mbështesë komuniteti ndërkombëtar këtë proces”. Gjatë qëndrimit të tij në Veri të Mitrovicës, Zot. Reeker po ashtu i vizitoi edhe disa udhëheqës të komunitetit afarist në Qendrën e re Regjionale për Komunitete, e cila është mbështetur nga Misioni i USAID-it në Kosovë.